Corsa sulidaria duve si compra u chilometru per pudè perticipacci (è aiutà à u finanzamentu di prugetti in lingua corsa).

Pùblicu toccu : da i cumpradori à i curridori, passendu per i sustenidori è i binivulenti, sò tocchi per avà 700 parsoni di modu direttu. Per vìa di i media parechji millai.

Interessu :

• accoglie soldi à favore di prugetti per a lingua corsa,
• impegnà a sucetà isulana per a promuzione di l’usu di a lingua corsa,
• crià una dinamica pusitiva in giru à l’usu di a lingua corsa.

Perspettive :

• accresce u percorsu (da 100 chilometri ghjunghje à più di 1000, po aghjustà i corsi di fora in u mondu sanu pà fa viaghjà u tistimognu parechji mesi è nantu à millai di chilomitri),
• diversificà e prove spurtive (à a corsa à pedi aghjustà u cavallu, a bissicletta è a vela),
• dà di più in più impurtenza à u spittaculu finale,
• impegnà sempre di più ghjente,
• raccoglie sempre di più soldi,
• finisce pè sensibilizà è impignà tuttu u populu corsu.

Urganizà un cuncorsu di filmetti rializati in lingua corsa da cullegianti, nantu à un sugettu chì li piace. Serà uffertu, in cullaburazione cù una radiò, à quellu chì vince è à un adultu chì n’hà a rispunsabilità, a pussibilità d’andà à assiste à un evenimentu culturale o spurtivu (cuncertu, macciu, parcu d’attrazzione…) in i paesi eurupei vicini.

Publicu toccu : centinai di cullegianti.

Interessu : mutivà i sculari à impegnassi in a imparera d’u corsu.

Perspettive : fà cresce a messa in scena è a mediatizazione in giru à stu evenimentu per prumove sempre di più l’usu di u corsu.

Attelli di rubotica è d’immersione in lingua corsa à u cullegiu (chì face l’ugettu d’una cunvenzione cù u Ritturatu).

Publicu toccu : sculari di i cullegi (da 5 à 10 sculari per attellu).

Interessu :

• fà aduprà u corsu in un quatru inabituale.
• valurizà a lingua perchè assuciata à a mudernità.

Perspettive :

• accresce u numeru di i perticipanti,
• accresce u numeru di i cullegi (32, pò fà 320 sculari),
• allergà à e scole (254) è à i licei (15), vale à dì 3000 sculari tocchi,
• fà risplende a lingua corsa à l’occasione di cumpetizione (in Corsica è ancu for’ di Corsica).

Crunulugìa :

• 2021 : iniziazione di u prugettu è realizazione d’un cartulare.
• 21/12/23 : cunvenzione signata cù u Ritturatu.
• 2023/2024 : cuncretizazione di u prugettu in Fiumorbu.
• 06/06/24 : prima cunferenza è primu bilanciu (sugettu VìaStella).
• 2024/2025 : 4 cullegi cuncernati : Fiumorbu, Portivechju, Sartè, Prupià.

Centru in Immersioni per i MAiori. Si tratta d’una struttura isulata chì permette l’alloghju cù un parsunali cursofunu. Ci seranu fatti corsi tradiziunali, intervenzione d’artigiani… è surtiti di terrenu pè scuntrà a ghjente chì parla corsu.

Publicu toccu : persone maiori varie.

Interessu : sviluppà a pratica di u corsu à u cutidianu ammigliurendu e capacità di e persone accolte.

Perspettivi :

• accresce u numeru di e persoe accolte.
• realizà un sicondu centru (vighjendu à un iquilibriu Pumonte è Cismonte).

Fà un situ è una appiegazione (sottu à a forma d’un arburu cù e so branche à visticà) chì presentenu u censu di tuttu ciò si face in lingua corsa (nutiziali, libbri, canzone, furmazione, robba per i zitelli, siti internet…).

Pùblicu toccu : millai d’internauti chì ponu esse tocchi in u mondu sanu.

Intaressu :

• facilità l’accessu à tuttu ciò chì si face in lingua corsa,
• mutivà à tuttu ognunu per amparà, praticà è fà…

Pirspittivi : arricchisce sempre di più u cuntinutu purtendu sempre di più ditagli.