Da sittembri à uttrovi : a Currilingua 2023 - L'artìcula.
07/06/23 : audizioni in Corti da una Cumissioni di l'Assamblea, in Corti.
Prisenza di "Parlemu Corsu!" (cù l'ADECEC, Praticalingua...), in Corti, pà una audizioni da una Cumissioni di l'Assamblea,, à nantu à a lingua corsa è a sucità...
30/05/23 : arrigistramentu di “Emissione speziale : 10 anni di cuufficialità”, diffusata u 31.
Dibàttitu 1 : Pierre Ghionga, Xavier Luciani è Romain Colonna (I cunsiglieri tarrituriali).
Dibàttitu 2 : Ghjiseppu Turchini (Scola Corsa), Jean-Philippe Agresti (Rittori) è Romain Colonna.
Dibàttitu 3 : Nicolas Sorba (Univarsitariu), Micheli Leccia (Parlemu Corsu !) è Romain Colonna.
29/04/23 : L'umaghju di Cathy Campana à u Cullittivu "PARLEMU CORSU !"
Connoscu un cullettivu
Chì più và, più ghjè attivu
Da i Corsi apprezziatu
È di core seguitatu
Mette la lingua à l'onore
Ci travaglia cù fervore
Parlemu corsu chjamatu
Si cumporta in suldatu
Difende a Cursichella
Vole esse sentinella
Milita cù devuzione
Contr'à l'acculturazione
Eccu cumu un professore
Da tant'anni cun ardore
Ind'a cruciata lampatu
Pè u corsu bè parlatu
Quant'ellu hà cumbattutu
È risultati ottenutu !
A so lutta face frutti
È ne prufittemu tutti
Cù issa battaglia pietosa
Altruista, generosa
È st'opera meritoria
Fermerà in a memoria
Nasce trà Micheli Leccia
È i scontri una treccia
D'amicizia ch'adunisce
Ingrenda è po fiurisce
Per chì lu corsu parlatu
Sia sempre adopratu.
Cathy Campana 29/04/23
28/01/23 : cunvanzioni "Parlemu Corsu !"- JSB (Futsal di Bunifaziu)
A presa di parola di u speacker
Pour ma part je vais me risquer à parler corse.
Soyez indulgent.
L'ugittivu hè di prugrissà.
Cumenciu par parlà un pocu.
Po, pianu pianu circaraghju à fanni sempri di più.
Un ghjornu spergu saraghju in capacità di fà un cumentu cumplettu è à a fini ancu di discorra in lingua corsa.
Alora...
À tutti vi ringraziemu !
Avviva a noscia lingua è forza Bunifaziu è u so club di Futsal !
A presa di parola di Cheyenne
Bonghjornu à tutti.
Mi chjamu Cheyenne è campu in Sotta.
Facciu parti di u Cullittivu PARLEMU CORSU !
Nimu m’hà trasmissu u corsu quand’era minori par ch’e u parlessi di modu naturali.
Intantu unipochi di paroli è di sprissioni i cunnoscu è à a scola aghju imparatu à lèghjalu.
Pensu di pudè prugrissà. Ciò chì conta hè a vulintà.
Vo, cuminceti pianu ma a vi dicu, s’è vo seti ditarminati ; s’è vo n’aveti a vulintà pudareti PRUGRISSÀ.
Vi pudeti sbruglià par fà senta è ribumbà u corsu in ‘ssa sala di sporru è ancu al di là.
Insembu, dèmuci di rimenu pà a noscia lingua.
Bon curaghju à tutti è ch’idda campi a lingua corsa !
A cuminicazioni internet di u Club JSB Futsal
VULTEMU ANNANTU À U PARTINARIATU CH'È NO AVEMU UFFICIALIZATU SÀBBATU U 28 DI GHJINNAGHJU À U COSEC LIBERTAS DI BUNFAZIU CÙ U CULLITTIVU "PARLEMU CORSU !"
Semu filici è fieri d'essa à l'iniziativa di 'ssa dumanda è d'essa oghji à cantu d'una di i ricchezzi i più maiori di u nosciu patrimoniu, à noscia lingua.
Prisirvalla è prumòvala, in particulari in u sporru, hè quissu u nosciu ughjittivu.
Avemu un veru prugramma à favori di a Lingua Corsa è spiremu da quì à pocu chì d'altri antità ani da fà com'è no.
'Ssu mumentu fusti riccu in imuzioni. Hè piaciutu à u pùblicu ch'era numarosu quiddu dopu meziornu. Di sicuru, cuntenti èrani i dui diligazioni, quidda di u Cullittivu, riprisintata da u so prisidenti Micheli Leccia è quidda di u JS Bunifaziu Futsal, riprisintata da u so Prisidenti, Jonathan Catoire.
Truvareti quì suttu unipochi di ritratta di u scambiu, di a signatura di u partinariatu è altri prima mumenta di 'ssu beddu prughjettu.
A cuminiczazioni di u so prisidenti
Socu fieru è biatu di 'ssu partinariatu è d'impignammi pà a me ìsula è a so lingua. 'Ssu sàbbatu hè statu unu scambiu è un mumentu magnìficu. Sta ufficializazioni era impurtanti pà u nosciu Club, par Bunifaziu, pà a Còrsica è pà a LIngua Corsa. Voddu ringrazià u Cullittivu "PARLEMU CORSU!" è tutti quiddi ch'ani pirmissu a rializazioni di 'ssu partinariatu
