Corsa sulidaria duve si compra u chilometru per pudè perticipacci (è aiutà à u finanzamentu di prugetti in lingua corsa).

Pùblicu toccu : da i cumpradori à i curridori, passendu per i sustenidori è i binivulenti, sò tocchi per avà 700 parsoni di modu direttu. Per vìa di i media parechji millai.

Interessu :

• accoglie soldi à favore di prugetti per a lingua corsa,
• impegnà a sucetà isulana per a promuzione di l’usu di a lingua corsa,
• crià una dinamica pusitiva in giru à l’usu di a lingua corsa.

Perspettive :

• accresce u percorsu (da 100 chilometri ghjunghje à più di 1000, po aghjustà i corsi di fora in u mondu sanu pà fa viaghjà u tistimognu parechji mesi è nantu à millai di chilomitri),
• diversificà e prove spurtive (à a corsa à pedi aghjustà u cavallu, a bissicletta è a vela),
• dà di più in più impurtenza à u spittaculu finale,
• impegnà sempre di più ghjente,
• raccoglie sempre di più soldi,
• finisce pè sensibilizà è impignà tuttu u populu corsu.

Attelli di rubotica è d’immersione in lingua corsa à u cullegiu (chì face l’ugettu d’una cunvenzione cù u Ritturatu).

Publicu toccu : sculari di i cullegi (da 5 à 10 sculari per attellu).

Interessu :

• fà aduprà u corsu in un quatru inabituale.
• valurizà a lingua perchè assuciata à a mudernità.

Perspettive :

• accresce u numeru di i perticipanti,
• accresce u numeru di i cullegi (32, pò fà 320 sculari),
• allergà à e scole (254) è à i licei (15), vale à dì 3000 sculari tocchi,
• fà risplende a lingua corsa à l’occasione di cumpetizione (in Corsica è ancu for’ di Corsica).

Crunulugìa :

• 2021 : iniziazione di u prugettu è realizazione d’un cartulare.
• 21/12/23 : cunvenzione signata cù u Ritturatu.
• 2023/2024 : cuncretizazione di u prugettu in Fiumorbu.
• 06/06/24 : prima cunferenza è primu bilanciu (sugettu VìaStella).
• 2024/2025 : 4 cullegi cuncernati : Fiumorbu, Portivechju, Sartè, Prupià.

Fà un situ è una appiegazione (sottu à a forma d’un arburu cù e so branche à visticà) chì presentenu u censu di tuttu ciò si face in lingua corsa (nutiziali, libbri, canzone, furmazione, robba per i zitelli, siti internet…).

Pùblicu toccu : millai d’internauti chì ponu esse tocchi in u mondu sanu.

Intaressu :

• facilità l’accessu à tuttu ciò chì si face in lingua corsa,
• mutivà à tuttu ognunu per amparà, praticà è fà…

Pirspittivi : arricchisce sempre di più u cuntinutu purtendu sempre di più ditagli.

Libbrettu pè illustrà i diffarenti parlati di Corsica è fà capisce duve sò e so limite nentru à l’ìsula.

Publicu toccu : i persunali è i visitadori d’amministrazione è cullettività, furmatori è insignenti, unepoche di clienti di certi cumerci è i passiunati di lingua (decine di millai di persone).

Interessu :

• dimucratizà una cunniscenza sapienta à un grande numeru di parsone,
• cuntribuisce à u mantenimentu d’una diversità di parlà.

Perspettive :

• accresce u numeru d’esemplarii pè tuccà ancu di più ghjente,
• fà di stu libbrettu una riferenza chì aiuta da veru à tutti per u rispettu di a pulinumìa.

Creà una risorsa per “nutrì”, “dà à manghjà”, à l’intelligenze artifiziale è à l’algoritimi di traduzzione à partesi da:

• traduzzione da u francesu (è d’altre lingue) à u corsu (suttanacciu è supranacciu) partendu da siti internet (Wikipedia è d’altri).
• traduzzione da u corsu (suttanacciu è supranacciu) à u francesu (è d’altre lingue) partendu da opere corse o d’articuli varii, liberi di dirittu.

Publicu toccu : millai d’internauti di Corsica è d’altrò, chì volenu cumunicà in lingua corsa per vìa di u scrittu.

Interessu :

• mette à dispusizione risorse ch’anu da permette à una IA d’amparà à cumunicà in lingua corsa è à un situ di traduzzione d’arriccisce e so cunniscenze.
• offre à a ghjente un arnese di cumunicazione in corsu, chì pò facilità l’amparera di a lingua è dimucratizà u so usu in e discursate à u scrittu è forse ancu à l’urale.
• valurizà u statutu di a lingua corsa chì si ritrova à paru à lingue sparte nantu à a Terra.

Perspettive :

• accresce sempre di più u fondu di i scritti tradutti è prupone sempre di più lingue di traduzzione per multiplicà u numeru d’interlucutore chì facenu usu di u corsu.
• fà prufittà u situ Nutr’IA di u sviluppu futuru di e capacità di l’intelligenza artifiziale (ricunniscenza visuale d’un scrittu è cumunicazione vucale).

Mondu virtuale ritrattatu è duve tuttu seria in lingua corsa à u livellu omancu di a scrittura. Tandu à u minimu prupone un paese, un centru cità, un carrughju impurtente, un portu, un aeruportu, un locu d’attività spurtive… cù i cumerci è i so interiori cursizati.

Publicu toccu : millai d’internzuti.

Interessu :

• dimustrà chì u corsu pò esse visibile in ogni locu,
• mutivà e stituzione è i cumercenti per generalizà da veru una signaletica reale in corsu.

Perspettive :

• accresce u numeru di i lochi cù una signaletica corsa,
• permette à clienti di cumercià in ligna à traversu a signaletica corsa di u situ Idial’mondu,
• arricchisce i lochi di a presenza d’ulugramma chì ponu aghjustà a parola à u scrittu è sviluppà un metaversu,
• passà da u virtuali à u riali.

Furmà l’animatore di e fiere ; po i speaker di sport ; po i DJ… tutti l’animatore d’evenimenti.

Publicu toccu : persone cundutti à parlà in pùblicu (dicini di parsoni).

Intaressu : fà senta u corsu à millai di parsone à tempu.

Pirspittivi : furmà sempre di più earsoni allarghendu i duminii tocchi (altre fiee for’ di a federazione, mercati di i pruduttori, festivali, evenimenti cumerciali o spurtivi… in Corsica è in altrò cù l’amicale corse).