U scontru cù Pierre Ghionga. U so resucontu
A diligazioni : Damien Delgrossi, Ghjuvan Ghjaseppu Franchi, Ghjuvan Petru Ristori, Micheli Leccia, Rémy Stefanaggi.
U tempu di u scontru : 2 ori cù u sirviziu Lingua Corsa (1 ora cù Pierre Ghionga).
U cuntinutu : emu prisintatu a dimarchja è purtatu i nosci rivindicazioni (veda "I ducumenta" quì sopra).
U bilanciu : èrani d'accordu cù noscu par dì chì u pianu ilaburatu sottu à l'anziana mandatura, avanzaia troppu pianu. Ci ani assicuratu chì certi azzioni rivindicati da a noscia parti sò in traccia d'essa fatti è chì d'altri èrani privisti. Circaremu alora di cuntrullallu à bastanza prestu in i mesa chì vènini.
Par certi misuri a CTC dici ch'ùn hè di a so cumpitenza : tocca à i municipalità o à u Statu... Ch'edda muscessi alora una vera vulintà di pirsuazioni è à più prestu par isparghja u bislinguìsmi in tutti i cullittività isulani. Ch'edda avissi alora u curraghju di dinuncià u Statu par ùn irrèndasi micca cumplici di i so mancanzi. Eccu ciò ch'è no pudemu aspittà da a CTC quandu si tratta d'ammiddurà u pianu attuali.
Par ciò chì tocca à i rivindicazioni di u Cullittivu chì chjàmani à una ivuluzioni ligislativa, Pierre Ghionga ci rinvìa à u rigulamentu di a quistioni di u statutu di a lingua, dicèndusi à favori di a cuufficialità ! Ma cuscenti chì u Statu ci sarà uppostu... In tutti i casi, no dimu chì unipochi di misuri poni essa presi par muscià l'asempiu, com'è a rialisazioni di scoli imirsivi à tìtulu spirimintali. Or, Pierre Ghionga hè ancu eddu à favori di l'imirsioni è hè prontu à prupona a so spirimintazioni ! Aspittemu alora chì l'iletti di l'imicìcliu andèssini in u listessu sensu è ch'eddi fùssini capaci, à l'uccasioni di u pròssimu dibàttitu à l'Assamblea à nantu à a lingua, di piddà misuri par andà più luntanu chè u pianu attuali !
Una vulintà d'avanzà pari d'èssaci ! Tandu, ch'edda si cuncritisessi à u più prestu !
.JPG)
.JPG)
.JPG)
.JPG)
Cunfarenza di stampa in Aiacciu, à nantu à l'imirsioni
Vìsita in lingua corsa di u Museu Fesch d'Aiacciu
.jpg)
Animazioni pà i chjuchi à a "Festa di a Puisìa" in Lozzi
A squatra di l'animatori hà, à l'uccasioni di 'ssa festa, pruvatu un ghjocu novu, quiddu di "i rimi"... (com'è par l'altri hè stata una rièscita).
Cuntribuzioni di u Cullittivu à a Missioni "Avvena di l'Ìsula"
“Parlemu Corsu !” in Dùn Èideann (Edinburgh)
Luni u 21 è marti u 22 di ghjunghju, « Parlemu Corsu ! » era prisenti à a Cunsulta Ginirali di u NPLD in Dùn Èideann (in gaèlicu, Edinburgh in inglesu) : NPLD = Network to Promote Linguistic Diversity (ritiolu pà a prumuzioni di a divirstà linguìstica).
U “NPLD” adunisci l’astituzioni, i guverna è l’associa di l’Auropa, chì difèndini i lingui minurati
è chì insembu cèrcani à influinzà i pulìtichi linguìstichi di i Stata aurupei.
Ghjurnata "Tempi fà, Tempi d'oghji", in Aleria
"corse-matin", u 27 di maghju 2010.