10/10/20 : Mubilizazioni à u nomu di PQVNL.
Par sulidarità cù i prufissori di corsu è cù l’altri lingui, unipochi di "Parlemu Corsu !” èrani prisenti in Aiacciu.
23/09/20 : Cunfarenza in cumunu cù AILCC, APC, SNALC, SNESS è STC.
Si tratta di dinuncià a riforma Banquer di u bascigliè chì porta tortu à a lingua corsa : a spicialità lingua corsa criata hè troppa spicìfica par essa attrativa è in u frattempu l’uzzioni di corsu purtendu ancu menu punta chè nanzi, sarà ancu edda pocu attrativa... Tuttu hè fattu par cunducia i sculari à disintarissassi da u corsu...
Una chjama hè lampata frà altru quiddu ghjornu da l’AILCC par sustena a mossa iniziata da u Cullittivu PQVNL chì chjama à una mubilizazioni u 10 d’uttrovi, omancu simbòlica, davanti à i ritturata...
02/06/2020 : 1a riunioni di a Cumissioni LCC sicundariu.
Rializemu un travaddu in cumunu cù l’AILCC, l’APC, u SNALC è u STC. Saremu ancu riunti à l’uccasioni d’una antra riunioni, da u SNESS.
Tutti circhemu di ghjunghja à a criazioni d’un pianu maiori di furmazioni di i prufissori di i disciplini altri chè u corsu (stodia, matimtichi, SVT, sporru...).
A situazioni sanitaria ùn ci faciliteghja a tacca hè sicura. Bren intesu hè da suvità...
27/05/2020 : Adunita di a CALC allargata
A CALC (Cumissioni Accadèmica Lingua Corsa) era cunsacrata à a situazioni di u corsu in u sicundariu. ‘Ssa riunioni sbocca à nantu à a criazioni d’una cumissioni spicìfica Lingua Corsa è Sicundariu.
