Azzioni simbòlica di u Cullittivu « Parlemu Corsu ! »
24 uttrovi
Aiacciu
Davanti à a Prifittura
3 ori u dopu meziornu
Azzioni cuurdinata cù d’altri tarritoria
In sulidarità à d’altri lingui
Alzassa, Uccitanìa, Brittagna, Paesu Bascu, Riunioni, Guiana…
Tutti à tempu faremu una azzioni, inghjunu sigondu i mudalità chì li cunvènini è adattendu un fondu d’affissu cumunu :
IN CÒRSICA DUMANDEMU A CUUFFICIALITÀ !
(arnesu nicissariu par custruì una Sucità Bislingua).
Azzioni privista da u Cullittivu « Parlemu Corsu ! » :
rializà davanti à a prifittura una GRANÌTULA GIGANTI !
Tutti vistuti cù u TS aranciu di u Cullittivu.
A Granìtula hè un baddu circulariu anticu chì ricodda à l’antichità è pò essa ancu à a priistodia.
Simbulizeghja i cìcula di a vita (a nàscita, a morti, i staghjoni, u soli chì si pesa o chì si chjina…).
Chì vulemu dimustrà ?
– Chì sempri ci emu da batta par ch’ùn ci fussi micca una rumpitura in a trasmissioni di a lingua è di a cultura corsa ; di a listessa manera ch’ùn ci hè rumpitura in i cìcula di a vita !
– Chì u Statu Francesu t’hà una rispunsabilità maiori s’eddu ùn ci stà à senta : quidda di circà à distrughja una lingua è una cultura chì sò una làscita antica, patrimoniu di l’umanità !
– Chì ci hè bisognu di sulidarità tr’è no è cù l’altri lingui !