Aiò currimu per a nostra lingua !
Hè una corsa à prò di a lingua corsa, fatta pè accoglie soldi cù l’ugettivu di finanzà grendi prugetti à favore di l’usu di u corsu.
- Ùn si corre micca pè vince ; hè una corsa cù un testimone à trasmette.
- Ùn si corre micca pè vince ; hè una corsa cù chilometri à cumprà.
- Hè una corsa chì si vole festiva, chì vole impegnà u più pussibile di ghjente è chjamata à cresce d’un annu à l’altru !
- Tutti i chilometri una persona sfarente deve trasmette u testimone !
- Tutti i chilometri devenu esse cumprati da una entità sfarente !
L'edizioni
4sima edizione
2024
3za edizione
2023
2da edizione
2022
1ma edizione
2021
Dapoi u 2021 una parte d’i soldi accolti ci anu permessu di purtà un aiutu finanziariu à
- Fiuramossa (associu di duppiame di i filmi in lingua corsa)
- Scola Corsa (scoli assuciativi in immersione)
- a Radiò web di Basta à Parlà (associu aiaccinu chì prumove l’usu d’u corsu)
- Furmànima (furmazione in lingua corsa pè l’animatori micrò di e fiere è altri evinimenti)
- Rubutiscola (attelli in lingua corsa di rubotica in mezu scularu)
- Morra Murrina (filmettu) cù a lingua corsa à l’unore
- u mantinimentu infurmàticu d’u nostru situ internet parlemucorsu.corsica
... ùn rumpimu micca a catena !
