Quattrèsima idizioni di a Currilingua
Prugetta
U 28 di sittembri di u 2024
Sartè
Cavru
12070€
accolti
67
chilòmitri
100
cumpradori
230
curridori
35
binèvuli è motards di sicurità
U cumpari
Pà a prima volta, a Currilingua t’hà un cumpari : Jean-Charles Papi !
“Un ringraziamentu maiò à tutta a squadra di Currilingua pà issa bedda manifestazioni è u travaddu di prima trinca à prò di a noscia lingua. Socu fieru d’essa u cumpari di a quarta edizioni.“
Jean-Charles Papi
U tistimoniu
Àrburi tistimoniu rializatu da Johanna-Rose LECCIA di Cavru.
Pulitu è untu d’una prutizzioni, hè lepiu è si teni bè in manu.
Hè fattu di legnu d’àlbitru, un arbureddu sìmbulu d’amicizia è di spartera… sò i so casci ê i so baca chì sò rigalati in i casi par Capu d’annu…
Pussedi in cima dui pezza di grossi vetti, simbulizendu l’anziani à quali tocca di trasmetta a lingua à i più ghjòvani, simbulizati tandu da dui vetti più minori…
Rittrata di l’idizioni
Terza idizioni di a Currilingua
Prugetta
U 1ma d'uttrovi di u 2023
Bunifazziu
Sartè
12995€
accolti
55
chilòmitri
114
cumpradori
200
curridori
40
binèvuli è motards di sicurità
U tistimoniu
L’àrburi tistimoniu di 2023 hè fattu di scubidù. Hè statu rializatu da Jason Lescombes.
Una vera òpara d’arti…
Rittrata di l’idizioni
Siconda idizioni di a Currilingua
Prugetta
U 26 di ghjunghju di u 2022
Aleria
Bunifazziu
21345€
accolti
101
chilòmitri
174
cumpradori
300
curridori
40
binèvuli è motards di sicurità
U tistimoniu
U tistimoniu 2022 è a mutivazioni di l’artistu criatori, Marc-Antoine Kochert
“Prima aghju cercu à fà una branca secca… ma u missaghju ùn mi parìa micca à bastanza pusitivu… tandu l’aghju mudificatu aghjustendu pìcculi casci è frutta. Hè duvintata una veta d’alivi, viva è piena à suchju chì ci tocca à curà è à trasmetta !”
À u finali, una virsioni più lepia è più pràtica par tena in manu hè stata pruposta da Marc-Antoine… Eccu u tistimoniu una volta pinturitu.
Rittrata di l’idizioni
Prima idizioni di a Currilingua
Prugetta
U 4u di lugliu di u 2021
U Borgu
A Sulinzara
14005€
accolti
90
chilòmitri
114
cumpradori
270
curridori
40
binèvuli è motards di sicurità
U tistimoniu
U tistimoniu di a prima idizioni, rializatu da Carlos Campos è da Cheyenne Texier.
Rittrata di l’idizioni
A Currilingua
Prugetta
Corsa sulidaria indu’ si compra u chilòmitru par pudè participacci (è aiutà à u finanzamentu di prugetta in lingua corsa).
Pùblicu toccu: da i cumpradori à i curridori, passendu pà i sustinidori è i binèvuli, sò tocchi par avà 700 parsoni di modu direttu. Par vìa di i media parechji millai.
Intaressu :
- accoda solda à favori di prugetta pà a lingua corsa,
- impignà a sucità isulana pà a prumuzioni di l’usu di a lingua corsa,
- crià una dinàmica pusitiva intornu à l’usu di a lingua corsa.
Pirspittivi :
- accrescia u parcorsu (da 100 chilòmitra ghjunghja à più di 1000, po aghjustà i corsi di fora in u mondu sanu par fa viaghjà u tistimoniu parechji mesa è à nantu à millai di chilòmitra),
- divarsificà i provi spurtivi (à a corsa à pedi aghjustà u cavaddu, a bissicletta è a vela),
- dà di più in più impurtenza à u spittàculu finali,
- impignà sempri di più aienti,
- accodda sempri di più solda,
- finì par sinsisibilizà è impignà tuttu u pòpulu corsu.
Videò Lingua
Prugetta
Urganizà un cuncorsu di filmetta rializati in lingua corsa da culligianti, à nantu à un sughjettu chì li piaci. Sarà uffertu, in cullaburazioni cù una radiò, à quiddu chì vinci è à un maiori chì n’hà a rispunsabilità, a pussibilità d’andà à assista à un ivinimentu culturali o spurtivu (cuncertu, macciu, parcu d’attrazzioni…) in i paesa aurupei vicini.
Pùblicu toccu : cintinai di culligianti.
Intaressu : mutivà i sculari à impignassi ‘n a imparera d’u corsu.
Pirspittivi : fà crescia a missa in scena è a midiatizazioni intornu à ‘ssu ivinimentu par prumova sempri di più l’usu di u corsu.
Rubutiscola
Prugetta
Attella di rubòtica è d’immirsioni in lingua corsa à u cullegiu (chì faci l’ugettu d’una cunvanzioni cù u Ritturatu).
Pùblicu toccu : sculari di i cullegia (da 5 à 10 sculari par attellu).
Intaressu :
- fà aduprà u corsu in un quatru inabituali,
- valurizà a lingua parchì assuciata à a mudarnità
Pirspittivi :
- accrescia u nùmaru di i participant,
- accrescia u nùmaru di i cullegia (32, pò fà 320 sculari),
- allargà à i scoli (254) è à i licea (15), veni à dì 3000 sculari tocchi,
- fà risplenda a lingua corsa à l’uccasioni di cumpitizioni (in Còrsica è ancu for’ di Còrsica).
Crunulugìa :
- 2021 : iniziazioni di u prugettu è rializazioni d’un cartulari.
- 21/12/23 : cunvanzioni signata cù u Ritturatu.
- 2023/2024 : cuncritizazioni di u prugettu in Fiumorbu.
- 2024/2025 : 4 cullegia cuncirnati : Fiumorbu, Portivechju, Sartè, Prupià.
Furmalonga
Prugetta
Furmazioni di 3 mesa (parfizziunamentu) o di 6 mesa (imparera) cù 6 ori di corsu à ghjornu (par aienti senza travaddu, studianti, parsoni à a ritirata o par impiigati chì binifizèghjani d’un tempu di furmazioni).
Pùblicu toccu : dicini di parsoni à principiu.
Intaressu :
- pruducia cursòfuni (di niveddu B1 à B2),
- cuntribuì à una dinàmica ginirali di riacquistu di u corsu in a pràtica cutidiana.
Pirspittivi : accrescia u nùmaru di i praticanti sviluppendu ‘ssa furmazioni.
In CIMA
Prugetta
Centru in Immirsioni pà i MAiori. Si tratta d’una struttura isulata chì pirmetti l’alloghju cù un parsunali cursòfunu. Ci sarani fatti corsi tradiziunali, intarvinzioni d’artigiani… è surtiti di tarrenu par iscuntrà aienti chì pàrlani corsu.
Pùblicu toccu : parsoni maiori varii.
Intaressu : sviluppà a pràtica di u corsu à u cutidianu ammiddurendu i capacità di i parsoni accolti.
Pirspittivi :
- accrescia u nùmaru di i parsoni accolti,
- rializà un sicondu centru (vighjendu à un iquilìbriu Pumonti è Cismonti).
Chì si faci ?
Prugetta
Fà un situ è una appiigazioni (sottu à forma d’un àrburi cù i so branchi à visticà) chì prisèntani u censu di tuttu ciò chì si faci in lingua corsa (nutiziali, lipra, canzoni, furmazioni, ropa pà i ziteddi, sita internet…).
Pùblicu toccu : millai d’internàuti chì poni essa tocchi in u mondu sanu.
Intaressu :
- facilità l’accessu à tuttu ciò chì si faci in lingua corsa.
- mutivà à tuttu inghjunu par imparà, praticà è fà…
Pirspittivi : arricchì sempri di più u cuntinutu purtendu sempri di più ditaglia.