Cinquèsima idizioni di a Currilingua
Micheli Leccia
U 17 d'uttrovi di u 2026
Cavru
Aiacciu
xxxxx€
accolti
39
chilòmitri
xx
cumpradori
xx
curridori
xx
binèvuli è motards di sicurità
U tistimoniu
Tistimoniu rializatu da dui artigiani : Dumenicu Santoni chì travadda u coghju è Anthony Foïs cultiddaghju.
U bastonu hè fattu d’un mànicu di coghju è d’una cima fatta di legnu d’alivi, urnata di casci di bronzu.
L’artigiani artisti ani vulsutu cuncipì unu stueddu pràticu à tena in manu. Ani sceltu l’alivi parchì hè un àrburi amblimàticu di l’ìsula.
Magnìfica rializazioni chì sprimi forza è finezza à tempu.
Participazioni à u 3u cumitatu di pilutaghju "Paesa è cità immirsivi"
Màrcuri l’8 d’aprili 2026 : participazioni à a terza adunita d’u COPIL (cumitatu di pulitaghju Stampiglia “Paesa immirsivi”), cù a prisenza di Micheli Leccia chì farà mori intarvinzioni cù mori rimarchi è mori pruposti :
| Rimarchi | Pruposti |
| Bisognu di pricisioni à nantu à l’allarghera d’una cumuna à d’altri cumuni.
A intercumunalità risica di cumplicà a littura è annigà u impegnu d’a cumuna chì devi firmà à u cori d’u dispusitivu.
Truvà riprisintanti d’i sittori tocchi hè troppu pisenti à più forti raghjoni s’eddi dèvini participà à una squatra di travaddu di modu rigulari. Si pò prupona ma ùn devi essa una ubligazioni.
U rifarenti ùn pò essa solu d’u cunsigliu municipali. Devi essa d’a cumuna ma pò essa ancu d afora à u cunsigliu.
Pricisà di più chì a stampiglia ùn hè data chè s’eddi sò tocchi tutti i sittori. A so attribuzioni devi da veru currisponda à isigenzi alti.
Chì u rifarenti si primuressi di l’uttimizazioni d’i meza dati à a scola par cundùciala à participà à u dispusitivu.
Chì u rifarenti si primuressi cù i cuntatta ch’eddu pò piddà è uttena, di cunvincia ancu a ghjesia di participà à a cursizazioni di u cutidianu di l’amministrati. | Una adunita d’i tutti i rifarenti cù u Cumitatu di Pilutaghju (par iscumparta i spirienzi è par mutivalli è falli capì ch’eddi participèghjani à una mossa glubali di primura par l’avvena d’a lingua al di là d’u so paesu).
Ghjudicà dinò (par uttena a stampiglia) i presi paroli da l’astituziunali è altri parsoni cù rispunsabilità par ch’eddi dèssini l’asempiu è par dumandalli d’affissà una cuirenza cù a pulìtica missa in piazza.
Ghjudicà ancu (sempri in u quatru d’una uttinzioni d’a stampiglia) i capacità d’a cumuna à crià uccasioni par fà uaduprà u corsu da i so amministrati (si tratta di passà da l’affissera è da a tiurìa acquistata à i furmazioni à una missa in pràtica).
Scriva di manera chjara chì a puilinumìa devi essa rispittata in inghji cumuna.
Pà a candidatura essa isigenti à nantu à l’ugittiva à tuccà ma micca isigenti à nantu à a ridazzioni di u cartulari (ch’eddu ùn sighi un castigu ammistrativu).
Fà una riunioni par discorra à nantu à u cuntinutu di l’accumpagnamentu chì sarà rializatu.
|
